زرداری اور شجاعت کے آرام دہ صوفوں پرسوشل میڈیا میں دلچسپ تبصرے

وزیراعلیٰ پنجاب کے انتخاب سے قبل آصف زرداری اور چوہدری شجاعت کی ملاقاتوں اور اسکے نتائج میں اہم کردار کس کا تھا؟۔ بڑا دعویٰ سامنے آگیا۔

جمعہ کو پنجاب اسمبلی میں وزیراعلیٰ کے انتخاب کے موقع پر سیاسی صورتحال ڈرامائی انداز میں تبدیل ہوتی رہی، پیپلز پارٹی کے شریک چیئرمین آصف زرداری اورمسلم لیگ (ق) کے سربراہ چوہدری شاعت کے درمیان ملاقاتوں نے ملکی سیاست میں اہم کردار ادا کیا۔

دونوں رہنماؤں کی ملاقات کے موقع پر نظر آنے والے آرام دہ صوفوں نے لوگوں کی توجہ اپنی جانب مبذول کرالی، ان صوفوں کو بنانے والی کمپنی ہائی لائف نے سوشل میڈیا پر اپنی ایک پوسٹ میں لکھا ہے کہ لمبی گفتگو کرنی ہوتو صرف ’’ریکلائنر“ پر بھروسہ کریں، وزیردفاع خواجہ آصف نے بھی صوفہ بنانے والی کپمنی کی پوسٹ شیئر کرتے ہوئے اسے شاندار ایڈورٹائزنگ قرار دیا۔

اس پوسٹ میں کہا گیا ہے کہ ریکلائنر دے ایسا آرام جس سے آپ مشکل ترین فیصلے بھی آسانی سے کرسکتے ہیں، کمپنی کی ویب سائٹ پر اس صوفے کی قیمت تقریباً پونے دو لاکھ روپے ہے۔

اس صوفے کی خاصیت یہ ہے کہ اس میں پیروں کو آرام پہنچانے کیلئے فوٹریس شامل کیا گیا ہے جبکہ گردن کے آرام کیلئے ایک لمبا کشن شامل کیا گیا ہے، اسکے علاوہ اس میں شامل نرم و گداز فوم کی وجہ سے آپ گھنٹوں بیٹھ سکتے ہیں اور آپ کو تھکاوٹ کا احساس تک نہیں ہوگا۔

from Samaa - Latest News https://ift.tt/LsokQpN