پنجاب کے شہر گجرات میں زمین ہتھیانے کی لالچ میں بیٹا باپ کا قاتل بن گیا ۔
تفصیلات کے مطابق گجرات پولیس نے دس دن قبل ہونیوالے اندھے قتل کا سراغ لگا لیا، ستر سالہ شخص کا قاتل اُسی کا بیٹا نکلا ۔
پولیس کے مطابق بیٹے نے چار مرلے پلاٹ کے لالچ میں باپ کو قتل کیا ،واردات کے بعد ملزم خود مدعی بن کر ڈھونگ رچاتا رہا ۔
حکام نے بتایا کہ ملزم کو گرفتار کر کے آلہ قتل برآمد کر لیا گیا ہے،
تحریک انصاف نے جیفری رابرٹسن کو وکیل کرنے کے اقدام سے یوٹرن لے لیا۔ چیئرمین پی ٹی آئی نے جیل سے قیادت کو ہدایت کردی کہ جیفری رابرٹسن کی خدمات نہ لی جائیں۔
باخبرذرائع کے مطابق پی ٹی آئی نےجیفری رابرٹسن پر تنقید کے بعد فیصلہ تبدیل کرلیا، چیئرمین پی ٹی آئی نے جیل سے قیادت کوجیفری رابرٹسن کی خدمات نہ لینے کی ہدایت کر دی۔
ذرائع کا کہنا تھا کہ پی ٹی آئی نے اپنے آفیشل ٹوئیٹرہینڈل سے جیفری رابرٹسن کے حوالے سے کیا گیا ٹوئٹ ڈیلیٹ کردیا۔
خیال رہے کہ تحریک انصاف کے آفیشل ٹوئیٹرہینڈل سےچیئرمین پی ٹی آئی کا معاملہ اقوام متحدہ، عالمی عدالت میں لیجانے کیلئے جیفری رابرٹسن کی خدمات کا اعلان کیا گیاتھا۔
میرانشاہ میں سکیورٹی فورسزکے خفیہ آپریشن کے دوران میجرسمیت2 فوجی جوان شہید ہوگئے جبکہ ایک دہشت گرد کو جہنم واصل کر دیا گیا۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسزنےخفیہ اطلاعات پر خیبرپختونخوا کےضلع شمالی وزیرستان کے علاقے میرانشاہ میں آپریشن کیا۔اس دوران فائرنگ کے تبادلے میں ایک دہشت گرد کو جہنم واصل جبکہ میجرسمیت2 فوجی جوان شہید ہوگئے۔
آئی ایس پی آرکے مطابق شہید سپاہی27 سالہ محمدعارف ساہیوال کے رہائشی تھے جبکہ شہید 29 سالہ میجرعامرعزیزکا تعلق سرگودھا سے ہے۔
آئی ایس پی آرکے مطابق فوجی جوانوں کی ایسی قربانیاں ہمارے عزم کو مزید مضبوط کرتی ہیں،سکیورٹی فورسزدہشتگردی کی لعنت کےخاتمےکیلئےپُرعزم ہیں۔
پاکستان کرکٹ بورڈ ( پی سی بی ) نے ایشیاء کپ 2023 کے سب سے بڑے میچ پاک، بھارت ٹاکرے کے لئے ٹکٹوں کی خصوصی آفر پیش کر دی۔
پی سی بی نے پاک ، بھارت میچ دیکھنے والوں کے لئے اضافی ٹکٹوں کی فروخت شروع کردی ہے اور شائقین کرکٹ کو گھاس پر بیٹھ کر میچ دیکھنے کی سہولت دے دی گئی ہے۔
جن شائقین کرکٹ کو اسٹینڈز میں ٹکٹ نہیں ملی وہ باؤنڈری سے باہر گھاس پر بیٹھ کر بھی میچ دیکھ سکیں گے۔
اسکور کارڈ کے ساتھ گھاس والی پہاڑی پر شائقین پاک بھارت میچ 1500 لنکن روپے میں دیکھ سکیں گے جبکہ شائقین 2560 لنکا روپے کے پیکج میں پاک، بھارت کے ساتھ نیپال اور بھارت کا میچ بھی دیکھ سکیں گے۔
شائقین کینڈی میں ابیتھا گراؤنڈ باکس آفس سے موقع پر ہی ٹکٹ خرید سکیں گے۔
یاد رہے کہ پاکستان اور بھارت کے درمیان میچ 2 ستمبر کو کینڈی کے پالی کیلے اسٹیڈیم میں کھیلا جائے گا۔
نگران وزیر خارجہ جلیل عباس جیلانی کو امریکی قائم مقام ڈپٹی سیکرٹری آف اسٹیٹ نے عہدہ سنبھالنے پر مبارکباد پیش کی ہے۔
قائم مقام ڈپٹی سیکرٹری آف اسٹیٹ وکٹوریہ نیولینڈ نے جلیل عباس جیلانی سے ٹیلی فونک رابطہ کیا اور انہیں نگران وزیر خارجہ کا عہدہ سنبھالنے پر پرمبارکباد دی۔
ٹیلی فونک گفتگو میں دونوں رہنماؤں نے پاک ، امریکا دوطرفہ تعاون سمیت باہمی دلچسپی کے امور پر بات چیت کی اور دونوں ممالک کے درمیان تعلقات کو مزید وسعت دینے سے متعلق امور پر تبادلہ خیال کیا گیا۔
اس موقع پر پاکستان میں معاشی استحکام اور انٹرنیشنل مانیٹری فنڈ ( آئی ایم ایف ) کے جاری پروگرام پر بھی گفتگو ہوئی۔
اس کے علاوہ ٹیلی فونک گفتگو کے دوران آئین و قانون کے تحت پاکستان میں صاف وشفاف انتخابات کے انعقاد پر کا معاملہ بھی زیربحث آیا۔
پاکستان کے سابق وزیر خزانہ مفتاح اسماعیل نے کہا ہے کہ اسحاق ڈار کی غلط پالیسی کی وجہ سے ملک ڈیفالٹ کی طرف گیا۔
سماء کے پروگرام ریڈ لائن ود طلعت میں گفتگو کرتے ہوئے سابق وزیر خزانہ مفتاح اسماعیل کا کہنا تھا کہ پچھلے یا اس دور میں بجلی کے بل نہیں بڑھے، حکومتیں 20 سے 25 سال سے غلطیاں کر رہی ہیں، وزیر خزانہ ہوتے ہوئے مئی، جون میں کہا تھا مہنگی ایل این جی منگوا کربجلی نہ بناؤ، میں اس وقت کہہ رہا تھا کہ 5 گھنٹے کی لوڈشیڈنگ کرو، اس کے بعد کچھ نہ ہوا تو ہم نے بجلی دینے کی کوشش کی پھراگست میں زیادہ بل آئے۔
مفتاح اسماعیل کا کہنا تھا کہ بجلی کی کاسٹ کم کرنے کیلئے نجکاری کرنے کی ضرورت ہے، بجلی کے شعبے میں نجکاری ہونے تک یہ معاملہ ٹھیک نہیں ہوگا، آئی ایم ایف نے کبھی سبسڈی دینے یا بجلی مہنگی کرنے کا نہیں کہا، وزارت خزانہ 500 ارب روپے تک دے تو بجلی سستی ہوسکتی ہے، آئی ایم ایف سے بات کر کے بجلی کے بڑھتے ریٹ کو کچھ عرصے کیلئے مؤخر کرسکتے ہیں۔
ان کا کہنا تھا کہ اسحاق ڈار کی غلط پالیسی کی وجہ سے ملک ڈیفالٹ کی طرف گیا، شہبازشریف نے آئی ایم ایف سے ڈیل کی ورنہ پتہ نہیں ہم کہاں کھڑے ہوتے، آئی ایم ایف سے بات کر کے ابھی فیول ایڈجسٹمنٹ چارجز نہیں لینے چاہئیں، ایف بی آر کو مجبوراً ٹیکس لینا ہوتے ہیں وہ بھی مؤخر کیے جا سکتے ہیں۔
انہوں نے کہا کہ وفاق کو کنگال کردیا گیا ایسے ملک کس طرح چل سکتاہے؟ ، این ایف سی ایوارڈ کم کرنے کے بعد صوبوں کی ذمہ داری بڑھے گی، صوبوں کو پراپرٹی پر ٹیکس لگانے کی ذمہ داری دینی چاہیے، صوبوں کے پاس وافر پیسے ہوتے ہیں انہیں خرچ کرنے کا نہیں پتا ہوتا، این ایف سی ایوارڈ کے بعد سے وفاق کی 62 فیصد آمدن صوبوں کوچلی جاتی ہے۔
انہوں نے مزید کہا کہ ساری حکومت قرض پر چل رہی ہے، گردشی قرضہ مزید بڑھانے کی گنجائش نہیں، گردشی قرضہ مزید بڑھایا تو نظام بیٹھ جائے گا۔
پاکستان پیپلز پارٹی ( پی پی پی ) کی جانب سے بڑھتی ہوئی مہنگائی اور بجلی کے بلوں کیخلاف لاہور میں ریلی نکالی گئی۔
بجلی کی بڑھتی قیمتوں اور مہنگائی کیخلاف پیپلزپارٹی لاہور نے پریس کلب سے چیئرنگ کراس مال روڈ تک احتجاجی ریلی نکالی اور حکومت کیخلاف نعرے بازی کی ۔
چیئرنگ کراس پہنچ کر پیپلز پارٹی لاہور کے صدر چوہدری اسلم گل نے موجودہ صورت حال کو غریب کش قرار دیا۔
یاد رہے کہ چند روز قبل پاکستان پیپلز پارٹی کے جنرل سیکرٹری سید نئیر حسین بخاری کی جانب سے ہدایات جاری کی گئی تھیں کہ پیپلز پارٹی کے کارکنان اور مقامی رہنما بجلی کی بڑھتی قیمتوں اور مہنگائی کے خلاف احتجاج کا سلسلہ شروع کریں۔
استحکام پاکستان پارٹی میں سیاسی رہنمائوں کی شمولیت کا سلسلہ جاری ہے،اوراب تحریک انصاف لاہورکےعہدیداران نے آئی پی پی میں شمولیت اختیارکرلی ہے۔
پی ٹی آئی لاہور کے کوآرڈینیٹرز شعیب کریم، قاسم عزیز خان، خواجہ سہیل مقبول، سید رضوان شاہ نے صدر استحکام پاکستان پارٹی لاہور ڈاکٹرمراد راس سےملاقات کی اور عبدالعلیم خان اور جہانگیرخان ترین کی قیادت پر بھرپوراعتماد کا اظہارکرتے ہوئے آئی پی پی میں شمولیت کا اعلان کیا۔
آئی پی پی میں شمولیت اختیار کرنے والے سیاسی رہنمائون نے 9 مئی کے واقعات کی شدید مذمت کرتے ہوئے کہا کہ مئی کا واقعہ تاریخی سانحہ ہے، اپنے اداروں اور قوم کے ساتھ کھڑے ہیں،استحکام پاکستان پارٹی ملک کی تعمیر، ترقی اور استحکام کے وژن پر گامزن ہے۔
ڈاکٹرمراد راس نے شمولیت اختیار کرنے والے رہنماؤں کو پارٹی میں خوش آمدید کہا اور مبارکباد دی،انہوں نے کہا کہ سیاسی رہنمائوںپارٹی میں شمولیت کا سلسلہ جاری ہے، آئندہ مزید خوشخبریاں ملیں گی، استحکام پاکستان پارٹی ملک کو بحرانوں سے نکالے گی۔
اس کےعلاوہ میاں خالد محمود اورڈاکٹرمراد راس کے ساتھ ملاقات میں بوگی روڈ ریلوے سٹیشن سے حاجی عرفان میو،جاوید چھونی نے ساتھیوں کے ہمراہ آئی پی پی میں شمولیت کا اعلان کیا۔
پاکستان مسلم لیگ (ن) کے مرکزی رہنما اور سابق وفاقی وزیر توانائی انجینئرخرم دستگیرخان نے کہا کہ آج ملک میںمہنگائی کا ذمہ دارنوازشریف کو نااہل کرنیوالا ججزکا ٹولا ہے، پاکستان کو توانائی کے بحران سے نکالنے میں مسلم لیگ (ن) کا ریکارڈ شاندار ہے۔
ایک بیان میں خرم دستگیر نے کہا کہ 2013 میں قائم ہونے والی مسلم لیگ (ن) کی حکومت نےمحمد نواز شریف کی سربراہی میں پاکستان کو بجلی اور گیس کے بحران سے نکالا اور اپنے دور حکومت میں ہی بجلی کی لوڈ شیڈنگ ختم کی،آج کی مہنگائی کا ذمہ دار وہ ججوں کا ٹولہ ہے جس نے 2017 میں محمد نواز شریف کو نا اہل کر کے پاکستان کے معاشی استحکام اور جمہوریت پر کاری ضرب لگائی۔
انہوں نے کہا کہ اس ٹولے کو جنرل باجوہ اور جنرل فیض کی حمایت حاصل تھی جنہوں نے ایک طویل سازش کے بعد عمران خان کو پاکستان کی عوام پر مسلط کیا،2019 میں عمران خان نے آئی ایم ایف کے ساتھ غریب دشمن اور ترقی دشمن معاہدہ کیا جس کے نتیجے میں پاکستان کی حکومت کا کرنسی پر کنٹرول عملا ختم ہو گیا اور عمران حکومت کی نااہلی کی وجہ سے بجلی کی قیمت میں مستقل اضافہ ہوتا رہا۔
سابق وزیر نے کہا کہ جو گردشی قرضہ مسلم لیگ نون کے دور میں 110 ارب روپے سالانہ کے تناسب سے بڑھ رہا تھا وہ عمران خان کے دور میں 350 ارب سالانہ کے تناسب سے بڑھا،اس کا نتیجہ یہ تھا کہ 31 مارچ 2022 کو پاکستان میں بجلی کا گردشی قرضہ تاریخ کی سب سے زیادہ سطح 2467 ارب روپے تھا،شہباز شریف کی قیادت میں 15 جماعتوں پر مشتمل حکومت نےگردشی قرضہ 157 ارب روپے کم کیا جو کہ 30 جون 2023 کو 2310 ارب روپے تھا۔
خرم دستگیر نے کہا کہ شہباز شریف نے پاکستان کی بجلی کی پیداوار میں 5000 میگا واٹ کا اضافہ کیا جس کی خاص بات تھر کوئلے سے پیدا ہونے والی بجلی کے 2000 میگا واٹ کے نئے منصوبے ہیں،پاکستان کے مستقبل کے لیے پاکستانی تھر کوئلے سے بننے والی بجلی کے بڑے منصوبوں کی تکمیل انتہائی اہم اور خوش آئند ہے ۔
انہوں نے کہا کہ ان منصوبوں کا اغاز 2014 میں محمد نواز شریف نے کیا تھا، عمران خان کے دور میں تعطل کا شکار ہوئے اور شہباز شریف کے دور میں مکمل ہو کر پاکستان کو بجلی فراہم کرنا شروع ہو گئے ،عمران خان کے اپریل 2019 میں ائی ایم ایف سے کیے گئے غریب دشمن معاہدے کی وجہ سے بجلی کی قیمت میں بار بار اضافہ ہوا۔
لیگی رہنما نے کہا کہ بنیادی ذمہ داری آج بھی ثاقب نثار ٹولے پر ہے جس نے پاکستان کو غیر متوازن کرنے میں گھناونا کردار ادا کیا - کچھ ججوں کے فیصلوں کی وجہ سے اورنج لائن اور پاکستان کے اہم توانائی کے منصوبے تاخیر کی نظر ہوئے ،اگر 13 جماعتی اتحاد 2022 میں ایک آئینی عمل کے تحت حکومت نہ سنبھالتا تو عمران خان نے ملک کو دیوالیہ کر دینا تھا ۔
خرم دستگیر نے کہا کہ پاکستان کے عوام انشاءاللہ محمد نواز شریف کی قیادت میں مسلم لیگ ن کومنتخب کریں گے،ہم ماضی کی طرح مہنگائی کم کریں گے ، بجلی سستی کریں گے ،سستی بجلی کے ذرائع پیدا کریں گے اور ایک بار پھر پاکستانیوں کو قیمتوں میں استحکام اور باعزت روزگار فراہم کریں گے جس کے ذریعے وہ اپنے خاندانوں کا پیٹ پال سکیں۔
نگران وفاقی وزیر اطلاعات و نشریات مرتضیٰ سولنگی نے کہا ہے کہ اس بحث میں نہیں جانا چاہتے کہ بجلی کے بلوں میں اضافے کا ذمہ دار کون ہے، ہمارا فوکس عوام کو ریلیف دینے پر ہے، کل وفاقی کابینہ کے اجلاس میں اس مسئلے پر بات ہوگی، امید ہے عوام کو ریلیف ملے گا۔
نجی ٹی وی چینل انٹرویو میں نگران مرتضیٰ سولنگی نے کہا کہ عوام کو جو بل موصول ہوئے یہ جولائی کے ہیں، نگران حکومت نے 17 اگست کو حلف اٹھایا، عوام کا غصہ جائز ہے لیکن احتجاج کی بجائے ہمیں اس مسئلے کے حل کی طرف آنا چاہئے۔
انہوں نے کہا کہ نگران وزیراعظم نے دو روز پہلے بجلی کے بلوں میں اضافے کا نوٹس لیا، آج بھی بجلی کے بلوں کے حوالے سے متعلقہ سٹیک ہولڈرز کے ساتھ اجلاس منعقد کیا، اس بات پر غور کیا جا رہا ہے کہ آئی ایم ایف پروگرام میں رہتے ہوئے لوگوں کو کیا ریلیف دیا جا سکتا ہے۔
نگران وقاقی وزیر نے کہا کہ تمام جماعتوں کے ساتھ مل کر انتخابات کو یقینی، پرامن اور منصفانہ بنانا ہے،نگران حکومت کی مدت کا تعین الیکشن کمیشن نے کرنا ہے، الیکشن کمیشن نے مشترکہ مفادات کونسل کے اجلاس کے فیصلوں کی روشنی میں آئین کے آرٹیکل 51 کے تحت انتخابات کے حوالے سے پورا نظام الاوقات اپنی ویب سائیٹ پر جاری کیا ہے۔
مرتضیٰ سولنگی نے کہا کہ ہم الیکشن کمیشن کی اعلان کردہ تاریخ پر پرامن، شفاف، منصفانہ اور غیر جانبدارانہ انتخابات کو یقینی بنائیں گے اور اس سلسلے میں الیکشن کمیشن کی ہر ممکن مدد کی جائے گی۔
پاکستانی ایتھلیٹ ارشد ندیم نے ورلڈ ایتھلیٹکس چیمپٸن شپ میں سلور میڈل حاصل کرلیا۔
ہنگری میں کھیلے جانے والی ورلڈ ایتھلیٹک چمپئین شپ 2023 میں جیولن تھرو مقابلوں کے فائنل میں پاکستانی ایتھلیٹ ارشد ندیم اور بھارتی ایتھلیٹ نیرج چوپڑا سمیت 12 ایتھلیٹ مدمقابل تھے ۔
فائنل میں ارشد ندیم اور نیرج چوپڑا کے درمیان سخت مقابلہ ہوا ، نیرج چوپڑا نے 88.17 میٹر کی تھرو لگا کر گولڈ میڈل حاصل کیا جبکہ قومی ایتھلیٹ نے سلور میڈل حاصل کیا ۔
ارشد ندیم پہلی کوشش میں 74.80 میٹر کی تھرو پھینکنے میں کامیاب رہے، دوسری کوشش میں انہوں نے 82.81 میٹر کی تھرو پھینکی، فائنل مقابلے کی تیسری تھرو میں انہوں نے 87.82 میٹر جبکہ چوتھی باری میں 87.15 میٹر کی تھرو لگائی۔
ورلڈ اتھلیٹکس چیمپئن شپ کی آخری تھرو میں ارشد نے 81.86 میٹر کی تھرو لگائی۔
خیال رہے کہ قومی ایتھیلٹ ارشد ندیم پہلے ہی پیرس اولمپکس 2024 کیلئے کوالیفائی کر چکے ہیں۔
پیپلزپارٹی کی سینٹرل ایگزیکٹو کمیٹی کی اندرونی کہانی سامنے آگئی ۔جس کے مطابق پیپلزپارٹی نے نوے روز میں انتخابات کیلئے تمام قانونی اور سیاسی آپشنز استعمال کرنے کا فیصلہ کیا گیا ہے، جس کے لئے سپریم کورٹ سے رجوع کرنے کا آپشن بھی استعمال کیا جائے گا۔
باخبرذرائع کے مطابق سنٹرل ایگزیکٹو کمیٹی میں اعتزازاحسن، رضاربانی اور نئیر بخاری نے قانونی پوزیشن پر بریفنگ دی ،اورنوے روز میں انتخابات کیلئے سپریم کورٹ سے رجوع کرنے کا آپشن بھی استعمال کیا جائیگا۔
ذرائع کے مطابق اجلاس میں چوہدری اعتزازاحسن کو غیرمعمولی اہمیت حاصل رہی، بلاول بھٹو نے مولابخش چانڈیو کو اعتزازاحسن پر تنقید سے روک دیا، جبکہمولابخش چانڈیو نے اعتزاز احسن کی طرف سے چیئرمین پی ٹی آئی کی حمایت پر تنقید کی، بلاول بھٹو نے مولابخش چانڈیو کو جواب دیا کہ جب ہمیں اس پر اعتراض نہیں تو آپ کیوں یہ بات کرتے ہیں۔
ذرائع نے بتایا کہ اعتزاز احسن نے ایک روز قبل اجلاس میں آن لائن شرکت کی خواہش کی تھی، اوربلاول بھٹو نے اعتزازاحسن کو فون کرکے میٹنگ میں لازمی ذاتی شرکت کے لئے کہاتھا۔
ایف آئی اے سائبرکرائم رپورٹنگ سینٹرسکھرنے کراچی،شکارپور اورسکھرمیں کارروائی کرتے ہوئے مختلف ویب سائٹس کے ذریعے ستائیس ہزار جعلی ڈرائیونگ لائسنس جاری کرنے والے تین ملزمان گرفتارکرلئے۔
ایف آئی اے کے مطابق ملزمان شکار پورٹریفک پولیس کا روپ دھارکرجعلی ویب سائٹس آپریٹ کرتےتھے۔ ان ویب سائٹس کےذریعےمبینہ طورپرہزاروں افراد کوجعلی ڈرائیونگ لائسنس جاری کئےگئے۔
ملزمان سےمجرمانہ مواکےلئےزیراستعمال تین موبائل فون اورایک لیپ ٹاپ بھی برآمدہوا ہے۔
سندھ کےسابق وزیرمکیش کمارچاولہ مبینہ طورپرنیب کے ریڈارپرآ گئے۔مختلف محکموں اور فنانشل اداروں سے صوبائی وزیرکے فرنٹ مین اورایک ڈپٹی ڈائریکٹر کیخلاف تفصیلات طلب کرلیں ۔
نیب مراسلے کے مطابق اداروں کو دستیاب شواہد اورتفصیلات جمع کرانے کی ہدایت کی گئی ۔ نیب نے مکیش چاولہ کے فرنٹ مین حسن شریف اورایکسائزاینڈ ٹیکسیشن کےڈپٹی ڈائریکٹر وحید شیخ کے حوالے سے بھی تفصیلات طلب کی گئیں۔
نیب مراسلہ میں مزید کہاگیا کہ حسن شریف اور وحید شیخ کے خلاف آمدنی سے زائد اثاثوں کےشواہد ملے ہیں،تحقیقات نیب کے ایڈیشنل ڈائریکٹر کی سربراہی میں مشترکہ تحقیقاتی ٹیم کررہی ہے ۔
ذرائع کے مطابق محکمہ خوراک اورمحکمہ ایکسائیزاینڈ ٹیکسیشن میں اربوں روپے کی مبینہ کرپشن ہوئی ہے۔
استحکام پاکستان پارٹی ( آئی پی پی ) کے صدر عبدالعلیم خان نے قومی ٹیم کو افغانستان کے خلاف تین ایک روزہ بین الاقوامی میچز پر مشتمل سیریز میں کامیابی حاصل کرنے پر مبارکباد پیش کی ہے۔
سماجی رابطے کی ویب سائٹ ایکس پر جاری اپنے ایک بیان میں آئی پی پی صدر کا کہنا تھا کہ افغانستان کو تین میچوں کی سیریز کے دوسرے ایک روزہ میچ میں شکست دینے اور سیریز اپنے نام کرنے پر پاکستان کرکٹ ٹیم کو مبارکباد پیش کرتا ہوں۔
یہ بھی پڑھیں۔ دوسرا ون ڈے، پاکستان کی افغانستان کو 1 وکٹ سے شکست
عبدالعلیم خان کا کہنا تھا کہ آج کی جیت میں امام الحق، شاداب اور نسیم شاہ کا نمایاں کردار ہے۔
انہوں نے مزید کہا کہ امید ہے تیسرا ایک روزہ میچ بھی جیت کر قومی ٹیم سیریز میں وائٹ واش کرے گی۔
یاد رہے کہ پاکستان کرکٹ ٹیم نے دوسرے ایک روزہ بین الااقومی میچ میں افغانستان کو سنسنی خیز مقابلے کے بعد ایک وکٹ سے شکست دی، نسیم شاہ نے آخری اوور کی پانچویں گیند پر چوکا لگا کر ٹیم کو کامیابی سے ہمکنار کرایا۔
پاک سعودی عرب پہلی “مشترکہ اسپیشل فورسز کی مشق ”البطار-ون“ پاکستانی علاقے چراٹ میں شروع ہوگئیں۔
پاک فوج کے شعبہ تعلقات عامہ آئی ایس پی آر کے مطابق پاک سعودی عرب پہلی “مشترکہ اسپیشل فورسز کی مشق ”البطار-ون“ کی افتتاحی تقریب چراٹ میں منعقد ہوئی۔ دو ہفتے طویل مشق میں پاک رائل سعودی اسپیشل فورسز حصہ لے رہی ہیں۔
آئی ایس پی آر کے مطابق اس مشق کا مقصد دونوں ملکوں کے درمیان تاریخی فوجی تعلقات کو مزید تقویت دینا ہے، جس میں جوائنٹ ایمپلائمنٹ کانسپٹ کو فروغ دینا اور مستقبل میں فوجی تعاون کے لیے باہمی دلچسپی کے شعبوں کی نشاندہی کرنا ہے،تاکہ دہشت گردی کے خلاف ایک دوسرے کے تجربے سے زیادہ سے زیادہ فائدہ حاصل کیا جا سکے۔
آئی ایس پی آر کے مطابق تقریب کے آغاز پر دونوں ممالک کے قومی ترانے بجائے گئے۔ اس موقع پر دونوں مسلح افواج کے اعلیٰ حکام موجود تھے۔دونوں برادر ممالک کی افواج کے درمیان اس طرح کی مشترکہ فوجی مشقوں کا مقصد موجودہ دوطرفہ تعلقات کو بڑھانا اور ایک دوسرے کے تجربات سے فائدہ اٹھانا ہے۔
مسلم لیگ ن کے رہنما اور سابق وفاقی وزیر احسن اقبال نے کہا ہے کہ اسلام امن اور بھائی چارے کا مذہب ہے ، ہمارے نبی ؐنے امت کو امن کی تعلیم دی ۔جڑانوالہ کا دلخراش واقعہ یقیناً ایک سازش ہے ۔
مسلم لیگ ن کے جنرل سیکرٹری احسن اقبال نے نارووال کے سینٹ پال کاتھولک چرچ کا دورہ کیا۔ انہوں نے کریشن کمیونٹی سے گفتگو کرتے ہوئے کہا کہ اسلام امن اور بھائی چارے کا مذہب ہے ۔ ہمارے نبیؐ نے امت کو امن کی تعلیم دی اور خاص طور پر ہر اسلامی ممالک میں جو غیر مسلم ہیں انکے حقوق کی بھی اسی طرح پاسداری کرنے کی تلقین کی ۔ جیسا کہ ریاست مسلمانوں کے جان ومال کی ذمہ درار ہے ۔
احسن اقبال نے کہا کہ یہ دلخراش واقعہ یقینا سازش کا حصہ ہے ۔جس نے ہمارے لوگوں میں ایسے مذہبی جذبات بڑکاے جس کے نتیجہ میں اسطرح کا واقعہ پیش آیا ۔
احسن اقبال نے کہا کہ یہ واقعہ ہمیں یاد دلاتا ہے کہ ہمیں ایسی سازشوں سے باخبر رہنا چاہے ۔ اب پاکستان کے اندر قانون موجود ہے اور وہ قانون صرف مسلمانوں کے عقیدوں کے تحفظ کا دفاع نہیں کرتا بلکہ دیگر عقیدوں کے تحفظ کا بھی دفاع کرتا ہے ۔
لیگی رہنما کا کہنا ہے کہ تم دوسروں کے مقدس عقیدے کو برا نہ کہو ۔ چونکہ اگر ایسا کرو گے اور وہ تمہارے مقدس عقیدے کی توہین کرے گا ۔اسلام ہمیں بقائے باہمی اور امن کے ساتھ رہنے کی تلقین کرتا ہے ۔
احسن اقبال نے کہا کہ یہ بھائی چارہ مذہبی ہم آہنگی اور مسلکی ہم آہنگی ہر سطح پر ایسے مضبوط کرنے کی ضرورت ہے تاکہ ہمارے ملک جس کے اندر مختلف مذاہب کے ماننے والے اور مختلف زبانوں کے بولنے والے بستے ہیں ہرلحاظ سے محفوظ رہ سکیں ۔
فیصل آباد موٹر وے پر پنڈی بھٹیاں کے قریب پک اپ وین اور مسافر کوچ کے درمیان تصادم کے نتیجے میں آگ بھڑک اٹھی، حادثے میں 20 مسافر جاں بحق اور 22 زخمی ہوگئے۔
ریسکیو حکام کے مطابق مسافر کوچ کراچی سے اسلام آباد جارہی تھی کہ حادثہ پیش آگیا جبکہ پک اپ وین ڈیزل لے کر جارہی تھی۔
ریسکیو حکام کے مطابق مسافر کوچ میں 40 سے زائد مسافر سوار تھے۔
پولیس کا کہنا ہے کہ جاں بحق افراد میں خواتین اور بچے بھی شامل ہیں جبکہ اکثر زخمیوں کی حالت تشویشناک بتائی جارہی ہے۔
ڈی پی او ڈاکٹر فہد کا کہنا ہے کہ حادثے میں بس اور پک اپ وین کے ڈرائیور بھی جاں بحق ہوئے ہیں۔
ڈی ایس پی پنڈی بھٹیاں احسان ظفر نے بتایا کہ صبح سوا چار بجے کے قریب پک اپ وین اور مسافر کوچ کی ٹکر ہوئی۔
انہوں نے کہا کہ حادثے کے بعد گاڑیوں میں آگ لگ گئی، دونوں گاڑیاں جل کر تباہ ہوگئی ہیں، پک اپ وین ڈیزل لے کر جا رہی تھی۔
پاکستان تحریک انصاف پارلیمنٹرینز چیئرمین پرویز خٹک نے کہا ہے کہ آئندہ الیکشن میں صوبے سے پی ٹی آئی کا صفایا کردیں گے۔
پاکستان تحریک انصاف پارلیمنٹرینز نےنوشہرہ میں پہلے پاور شو سے دھواں دار خطاب کرتے ہوئے پرویز خٹک نےکہاکہ ہم نےپی ٹی آئی میں گالیوں کے علاوہ کچھ نہیں سنا ،چیئرمین پی ٹی آئی نے نوجوانوں کو غلط راستے پر لگایا ، یہ اپنی فوج سے لڑنا چاہتا ہے۔
انہوں نے کہا کہ پی ٹی آئی چھوڑی توکچھ نوجوانوں نےسوشل میڈیاپرگالیاں دیں،جولیڈر اپنےبچوں کوتمیزنہیں سکھاتاوہ خودکیاتمیزسیکھےگا،لیڈرقوم کو تعلیم اورتہذیب سکھاتاہے۔
پرویز خٹک نے کہا کہ چیئرمین پی ٹی آئی کہتاتھاسب چلےجائیں کوئی فرق نہیں پڑتا، چیئرمین پی ٹی آئی غرورکرتےہیں،اللہ تعالیٰ غرورکوپسندنہیں کرتا،ہم بڑھکیں نہیں مارتے،عوام میں موجودہیں،ہمیں کہاجاتاہےکہ ہم نےغداری کی ہے۔
ان کاکہنا تھامیں نےپی ٹی آئی کی جتنی خدمت کی کوئی نہیں کرسکتا،پی ٹی آئی الیکٹیبزکی وجہ سے اٹھی تھی،اب ہزاروں پی ٹی آئی چھوڑکرہمارےپاس آئیں گے۔
انہوں نے کہا کہ ایمانداری سے خدمت کریں گے،یہ سمجھتےہیں میں پی ٹی آئی کی وجہ سے ہوں،انہیں بتاؤ کے تحریک انصاف میری وجہ سے ہے،ہم وفاقی حکومت میں کوئی کارنامہ نہیں دکھاسکے،میں سمجھتاتھاکہ چیئرمین پی ٹی آئی ملک کوآگے لیکرجائےگا۔
پرویز خٹک نے کہاکہ تحریک انصاف پارلیمنٹرینزآرہی ہے،ہم نے اس صوبےکی خدمت کی ہے،صرف نعر ے نہیں لگائے،ہمارا وہی منشور ہوگا جو کرسکیں گے،ثابت کریں گےکہ ہم جھوٹے نہیں۔
پاکستان تحریک انصاف کے رہنما اور سابق میئر کوئٹہ رحیم کاکڑ کو بیٹوں سمیت بری کردیا گیا ۔
بلوچستان ہائی کورٹ کے جج جسٹس اعجاز سواتی نے کیس کی سماعت کرتے ہوئے پاکستان تحریک انصاف ڈسٹرکٹ کوئٹہ کے صدر رحیم کاکڑ اور ان کے دونوں بیٹوں ایڈووکیٹ عمر فاروق کاکڑ اور عبداللہ کاکڑ کو تھری ایم پی او کیس میں باعزت طور پر بری کردیا ۔
واضح رہے کوئٹہ سول لائن پولیس نے پی ٹی آئی رہنما اور ان کے دونوں بیٹوں کو 6 اگست کو سڑکیں بند اور احتجاج کرنے کے الزام میں گرفتار کیا تھا ۔
By Victoria Kim from NYT World https://ift.tt/Cf3tZIK
