جنوبی وزیرستان میں سیکورٹی فورسز اور دہشت گردوں کے درمیان شدید فائرنگ کے تبادلے میں حوالدار عمرحیات شہید ہو گئے ہیں۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے جنوبی وزیرستان کے علاقے سراروغہ میں دہشتگردوں کے ٹھکانے کے خلاف مؤثر کارروائی کی۔
ترجمان پاک فوج کے مطابق کارروائی کے دوران فائرنگ کے شدید تبادلے میں 39 سالہ حوالدار عمرحیات شہید ہو گئے۔ اُن کا تعلق کوہاٹ کےعلاقے لاچی سے ہے۔
آئی ایس پی آر کے مطابق پاک فوج نے دہشتگردی کی لعنت کو جڑ سے اکھاڑنے کا عزم کر رکھا ہے۔ ایسی قربانیاں پاک فوج کے بہادر جوانوں کے عزم کو مزید مضبوط کرتی ہیں۔
from Samaa - Latest News https://ift.tt/sEugiTK
No comments:
Post a Comment