سانگھڑ کی تحصیل کھپرو میں جھونپڑی میں آتشزدگی کے نتیجے میں چار بہن بھائی جھلس کرجاں بحق ہوگئے جبکہ والد شدید زخمی ہوگیا ۔
تفصیلات کے مطابق سندھ کے ضلع سانگھڑ کی تحصیل کھپروکے گاؤں چنداؤ کےایک جھونپڑی میںچولہے سے اٹھنےوالی چنگاری سے آگ لگ گئی ، جس کے نتیجے میں چار بہن بھائی جھلس کرجاں بحق ہوگئے جبکہ والد اپنے بچوں کو آگ سے بچانے کی کوشش میں شدید زخمی ہوگیا۔
متاثر شخص مزدور بچل راجڑ کے جاں بحق ہونے والے بچوں میں دو بیٹے اور دو بیٹیاں شامل ہیں ، جن کی عمریں دو سے آٹھ سال کے درمیان تھی ۔
علاقہ مکینوں نے بتایا کہ چار بچے اس وقت ہی آگ کے باعث جاں بحق ہوگئے۔ گھر اور جانور بھی جل گئے تھے ، جبکہ بچوں کو بچانےوالا والد بچل راجڑ بھی شدید زخمی ہوگیا،جسے تشویشناک حالت میں حیدرآباد ریفرکردیا گیا گیا۔
اہل علاقہ کے مطابق صحرائی علاقے کی وجہ سے ریسکیو میں دشواری کا سامنا کرنا پڑا۔
حیدرآباد میں ہسپتال کے ڈاکٹرکے مطابق ہمارے پاس ایک زخمی آیا تھا، جس کی باڈی 60 سے 70فیصد جھلسی ہوئی تھی،اسے ہم نے طبی امداد کے بعد حیدرآباد برنس وارڈ منتقل کردیا۔
from Samaa - Latest News https://ift.tt/L9vMH3U
No comments:
Post a Comment