بلوچستان کےعلاقے خضدارمیں اسمگلروں کے خلاف کسٹم اورسيکیورٹی فورسز کی بڑی کارروائی کے دوران اربوں روپے مالیت کا ذخیرہ شدہ سامان برآمد کرلياہے۔
کسٹمزحکام کے مطابق کارروائی کے دوران اربوں روپے مالیت کا ذخیرہ شدہ سامان برآمد ہوا ہے۔اشیائے خوردنوش افغانستان اسمگل کرنے کي غرص سے ذخیرہ کی گئی تھيں۔
کسٹمزحکام کے مطابق سامان تمام دکانوں میں ذخیرہ کیا گیا تھا،برآمد کیے گئے سامان میں چینی اور دیگر اشیاء شامل ہيں۔
لاہورمیں صبح سویرے موسم ابر آلود،صبح کے اوقات میں بوندا باندی اور ٹھنڈی ہوائیں چلنے سے موسم خوشگوار ہوگیا۔
مال روڈ،لکشمی چوک،پانی والا تالاب،جیل روڈ کے اطراف بارش ہوئی ہے۔بارش کے بعد گرمی کی شدت میں کمی،موسم خوشگوارہوگیا۔
کراچی سمیت کئی شہروں میں بارش کی پیشگوئی
محکمہ موسمیات نے آئندہ 24 گھنٹوں میں تیز ہواؤں اور بارش کا امکان ظاہرکیا ہے۔ گزشتہ رات مختلف علاقوں ميں ہلکی بارش ہوئی۔
اُدھرکراچی میں بارش برسانے والا سسٹم کمزورپڑ گیا،شہرميں آج بھی ہلکی بارش کاامکان ہے۔شہرکا موجودہ درجہ حرارت 22 ڈگری سینٹی گریڈ ریکارڈ کیا گیا۔
پرویز الٰہی کے گھر پر چھاپے پر رہنما پاکستان تحریک انصاف فواد چوہدری نے ردعمل دیتے ہوئے کہا ہے کہ’ ایک طرف مذاکرات، دوسری طرف گرفتاریاں، ثابت ہوا کہ اسحاق ڈار، سعدرفیق، اعظم نذیرتارڑ کی پارٹی میں کوئی حیثیت نہیں’۔
انہوں نےکہا کہ پرویزالٰہی کے گھر پر چھاپے کی شدید مذمت کرتے ہیں۔ دوسری جانب مسلم لیگ ق کے رہنما اور چوہدری پرویز الٰہی کے صاحبزادے مونس الٰہی نے کہا کہ جس کیس میں ضمانت ہوچکی اس میں پولیس گرفتار کرنے پہنچی ہے۔
پاکستان تحریک انصاف کے کارکن پارٹی صدر پرویزالہٰی کے گھر بھی نہ پہنچے ، یہ ہی نہیں بلکہ پارٹی کی اعلیٰ قیادت بھی نہیں پہنچ سکی ،
حیران کن بات یہ ہے کہ پرویزالہیٰ کے گھر تقریباََ دو کلومیٹر کی دوری پر زمان پارک ہے ۔
مگر پی ٹی آئی کے کارکن کسی بھی صورت کئی گھنٹے ہونے کے باوجود پرویزالہٰی کے لیے ظہور الہیٰ روڈ نہ آسکے ۔
پرویز الہٰی جنہوں نے قربانیاں دی ہیں ۔ آج جب ان پر کڑا وقت ہے ان کو بچانے کے لیے نہ ہی کوئی کارکن آیا ہے اور نہ ہی کوئی بڑی قیاد ت آئی ہے ۔
پی ٹی آئی کے صدر کے پیچھے کوئی پی ٹی آئی کارکن نہیں کھڑآ ہوا۔
پاکستان کی معروف ماڈل اور اداکارہ ایمان علی نے کہا ہے کہ مارننگ شو کی ہوسٹنگ نہیں کرنا چاہتی، فالتو لوگوں کی تعریف نہیں کرسکتی، مارننگ شو میں فالتو لوگوں کی تعریف کرنی پڑتی ہے۔
سما ء کے پروگرام“ حد کردی“ میں میزبان مومن ثاقب کے سوالوں کا مزاح کے انداز میں جواب دیتے ہوئے اداکارہ ایمان علی نے کہا کہ میں ماضی میں شیف بننا چاہتی تھی اور مجھےکھانا بنانے کا بہت شوق ہے، میں نئی ڈیشز بناتی ہوں ، میں نے گیارہ سال کی عمر میں پہلی ڈیش بلوچی کڑاہی بنائی تھی ، جو مجھے پاپا نے بنانی سکھائی تھی۔
میزبان کے ایک سوال پر اداکارہ کا کہنا تھا کہ میں پاکستان چھوڑ کر جانے کا سوچ رہی ہوں، میرے شوہر کینیڈین ہیں ، تو جہاں ”میرے وہ، وہاں میں“۔
ایک اور سوال کے جواب میں انہوں نے کہا کہ سوشل میڈیا سے مجھے اس لئے چڑ ہے کیوں کہ وہاں پر لوگ بدتمیزی کرتے ہیں، اور اپنی تصویریں بھی خود بنانی پڑتی ہیں،اور اس طرح سٹار والی فیلنگ بھی نہیں آتی، کم ازکم کوئی کیمرہ لے کر پیچھے تو آئے۔
ایمان علی کا کہنا تھامیرے انٹرویو ز کی فضول باتیں وائر ہوجاتی ہیں اور اہم باتیں رہ جاتی ہیں۔
سیاسی جماعتوںمیں مذاکرات کے حوالے سے سپریم کورٹ آف پاکستان کی ڈیڈلائن ختم ہونے کے قر یب ہے اور رات گئےحکمران اتحاد اور پی ٹی آئی کےدرمیان رابطوں میں بڑابریک تھرو سامنے آیا ہے،وزیرقانون اعظم نذیرتارڑ اورسعد رفیق کاچیئرمین سینیٹ صادق سنجرانی سےرابطہ ہوا ہے۔
باخبر ذرائع کے مطابق وزیرقانون اعظم نذیرتارڑ اورسعد رفیق کاچیئرمین سینیٹ صادق سنجرانی سےرابطہ ہوا ہے، جس میں صادق سنجرانی نے تجویز دی ہے کہ سینیٹ میں اپوزیشن اورحکومت کےارکان پرمشتمل کمیٹی تشکیل دیں، جبکہ حکومتی نمائندگان نے کہا کہ مذاکراتی کمیٹی کو بات چیت کیلئے پارلیمان میں جگہ کی سہولت دی جائے۔
ذرائع کے مطابق حکومتی نمائندگان سے رابطے کے بعد صادق سنجرانی نےحکومتی تجویز پرڈاکٹر شہزاد وسیم اوراسد عمر سے رابطہ کیا۔ چیئرمین سینیٹ اپوزیشن کوخط لکھ حکومتی تجویزسے آگاہ کریں گے۔
صادق سنجرانی حکومتی وفد سے ملاقات کے بعد متحرک ہوگئے ، چیئرمین سینیٹ صادق سنجرانی نے شاہ محمود قریشی،اسد عمر اور شہزاد وسیم سے رابطہ کیا، اور چیئرمین سینیٹ اور پی ٹی آئی قیادت میں جلد ملاقات پر اتفاق کیا گیا۔
چیئرمین سینیٹ کی تینوں رہنماؤں سے ملکی مجموعی صورتحال پر تفصیلی گفتگو ہوئی ، جس میں صادق سنجرانی نے مل بیٹھ کر معاملات کو سلجھانے پر زور دیا۔
باخبر ذرائع نے بتایا کہ حکومت کی جانب سے وفاقی وزیرسردار ایاز صادق بھی دیگر جماعتوں سے مشاورت کر رہے ہیں۔
وزیراعظم شہباز شریف کے قومی اسمبلی سےاعتماد کا ووٹ لینے کی خبروں کے بعد رہنما مسلم لیگ نون مریم اورنگزیب کا اہم بیان بھی سامنے آگیا ہے ۔
انہوں نے سماجی رابطوں کی ویب سائٹ ٹؤیٹر پر جاری اپنے بیان میں کہا ہے کہ وزیراعظم نے اعتماد کا ووٹ لینے کا فیصلہ نہیں کیا،ایسی مشاورت ہوئی نہ اس کی ضرورت ہے۔ عوام، پارٹی،اتحادی جماعتوں کے متفقہ امیدوار شہباز شریف 11 اپریل 2022 کو قومی اسمبلی کے قائد ایوان کا ووٹ لے چکے ہیں۔ من گھڑت افواہ حقیقت نہیں۔ میڈیا بغیر تصدیق وزیراعظم سے متعلق خبریں نہ چلائے۔
واضح رہے کہ خبر آئی تھی کہ وزیراعظم شہبازشریف نے قومی اسمبلی سے اعتماد کا ووٹ لینے پر غور شروع کر دیا ہے۔
پنجاب میں عام انتخابات کے حوالے سے سپریم کورٹ آف پاکستان کی ڈیڈ لائن کے بعد موجودہ ملکی صورتحال میں وزیراعظم شہباز شریف کو اتحادیوں نے بڑا مشورہ دیدیا۔
وزیراعظم نے قومی اسمبلی سے اعتماد کا ووٹ لینے پر غور شروع کر دیا ہے، اعتماد کا ووٹ لینے کے لیے وزیراعظم وفاقی کابینہ کے اجلاس میں مشاورت کریں گے۔
اتحادیوں کی طرف سے یہ تجویز بھی سامنے آئی ہے کہ وزیراعظم اور وفاقی کابینہ کے ارکان سپریم کورٹ میں پیش ہوں۔ اُدھر شہباز شریف تمام اہم سیاسی فیصلے باہمی مشاورت اور اتفاق رائے سے کریں گے۔
خیال رہے کہ 90 روز میں انتخابات کروانے کا معاملہ عدالت پہنچنے سے پہلے سیاسی محاذ آرائی کا سبب بنا ہوا تھا مگر سپریم کورٹ کی انٹری کے بعد اب عدالتی محاذ آرائی کا آغاز بھی ہوچکا اور عدالتی فیصلے پر عملدرآمد نہ ہونے کی صورت میں ملک عدالتی بحران کی لپیٹ میں بھی آسکتا ہے۔
ملکی سیاسی کشیدگی کی شدت کو کم کرنے کے لیے چیف جسٹس تمام اسٹیک ہولڈرز سے درخواست کرچکے ہیں اور اسی سلسلے میں سپریم کورٹ نے 27 اپریل تک تمام سیاسی جماعتوں کو ایک روز انتخابات کروانے پر متفق ہونے کا وقت دیا ہے۔ امیر جماعت اسلامی پاکستان سراج الحق نے بھی حکومت اور تحریک انصاف کے درمیان پُل کا کردار ادا کرنے کا فیصلہ کیا ہے اور عید کے بعد وہ کُل جماعتی کانفرنس کا ارادہ رکھتے ہیں۔
سپریم کورٹ کی جانب سے 14 مئی کو انتخابات کروانے کی تلوار کی موجودگی میں تمام جماعتوں کو مذاکرات کی ٹیبل پر لانے سے ملک میں سیاسی کشیدگی کم ہونے کا امکان تو ہوگیا ہے لیکن تاحال کچھ معاملات ہیں جو اب بھی طے ہونے باقی ہیں۔ عمران اس حوالے سے واضح کرچکے ہیں مذاکرات صرف انتخابات کے حوالے سے ہی ہوں گے۔
مذاکرات کی ناکامی کی صورت میں تحریک انصاف نے سڑکوں پر نکلنے کا اعلان کررکھا ہے جس میں نہ صرف انتخابات کروانے کے لیے دباؤ ڈالا جائے گا بلکہ تحریک انصاف اپنی انتخابی مہم کا آغاز بھی کرے گی۔
تحریک انصاف کا مؤقف ہے کہ ایک روز ملک بھر میں انتخابات کروانے کے لیے قومی اسمبلی بھی فوری طور پر تحلیل کی جائے جبکہ چاروں صوبوں اور وفاق میں نئی نگراں حکومت کا قیام عمل میں لایا جائے۔
گزشتہ روز ایک انٹرویو کے دوران عمران خان نے کہا تھا کہ مئی میں قومی اسمبلی تحلیل کی جائے، جون اور جولائی میں انتخابات کروائے جائیں اور نیوٹرل نگران حکومت لانے میں اپنا کردار ادا کریں۔
مذاکرات میں دوسری بڑی رکاوٹ جمعیت علمائے اسلام (ف) کے سربراہ مولانا فضل الرحمان کا عمران خان سے مذاکرات نہ کرنے کا سخت مؤقف ہے۔ جے یو آئی کے سربراہ یہ واضح کرچکے ہیں کہ وہ عمران خان سے مذاکرات نہیں کریں گے اور سپریم کورٹ زبردستی عمران خان سے مذاکرات کے لیے دباؤ ڈال رہی ہے۔
مسلم لیگ (ن) کے کچھ حلقوں میں بھی تحریک انصاف کے ساتھ مذاکرات کی مخالفت کی جارہی ہے اور اس کا اظہار مریم نواز اپنی ٹویٹ کے ذریعے بھی کرچکی ہیں، جس میں انہوں نے لکھا کہ مذاکرات یا بات چیت سیاسی جماعتوں سے ہوتی ہے، دہشتگردوں اور فتنہ پھیلانے والوں سے نہیں۔ یہ بات یاد رکھیں۔
پاکستان پیپلزپارٹی نے بھی سیاسی جماعتوں سے رابطوں کا سلسلہ شروع کر رکھا ہے جس میں متحدہ قومی موومنٹ (ایم کیو ایم)، مسلم لیگ (ن) اور جے یو آئی کے وفد کے ساتھ علیحدہ علیحدہ ملاقاتیں کرچکی ہیں۔
پاکستان پیپلزپارٹی کے شریک چیئرمین آصف علی زرداری ایک انٹرویو میں ملک میں قبل از وقت انتخابات کا اشارہ دے چکے ہیں اور اس سلسلے میں ہی پیپلز پارٹی کی قیادت مختلف سیاسی جماعتوں سے رابطے کررہی ہے۔
قومی وکٹ کیپر بیسٹمین رواں برس ایک ہزار رنز مکمل کرنے والے پہلے بیسٹمین بن گئے۔
محمد رضوان نے سال 2023 میںا بھی 1000 ٹی ٹوئنٹی رنز مکمل کر لیے ہیں اور قومی وکٹ کیپر بیٹر رواں برس ایک ہزار رنز مکمل کرنے والے پہلے بیٹر ہیں۔
محمد رضوان نے مسلسل تیسرے کیلنڈر سال میں ہزار رنز بنائے ہیں، وکٹ کیپر بیٹر نے اس سال پاکستان کے علاوہ ملتان سلطانز اور کومیلہ وکٹوریئنز کی نمائندگی کی۔
واضح رہے کہ محمد رضوان نے نیوزی لینڈ کے خلاف کھیلے جانے والے پانچویں ٹی 20 میچ میں 98 رنز اننگ کھیلی ۔
آرمی چیف جنرل سیّد عاصم منیر سرکاری دورے پر چین پہنچ گئے۔
پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق سپہ سالار چار روزہ سرکاری دورے پر بیجنگ پہنچ گئے ہیں۔
بیان کے مطابق جنرل عاصم منیر کے دورے کا مقصد دوطرفہ عسکری تعلقات کو بڑھانا ہے۔
سابق چیئرمین پی سی بی رمیز راجا نے پاکستان اور بھارتی ٹیموں کے میچ کے لئے نیوٹرل وینیوکی مخالفت کردی ۔
سما سے خصوصی گفتگو میں رمیز راجا کا کہنا تھا کہ پاکستان اگر نیوٹرل وینیو کی بات مان لیتا ہے تو یہ پاکستان کے لئے اچھا نہیں ۔ انہوں نے الزام لگایا کہ پی سی بی انتظامیہ کپتان بابراعظم اورکھلاڑیوں کو آپس میں لڑانے کی کوشش کررہی ہے ۔
انہوں نے کہا کہ پی سی بی انتظامیہ قومی ٹیم میں پھوٹ ڈلوانےکاکام کررہی ہے،بھارت اگرنہیں آتااورپاکستان نیوٹرل وینیوکیلئےمان جاتاہےتویہ پاکستان کیلئےاچھا نہیں، نیوٹرل وینیو کی روایت پڑگئی توساری عمربھارت پاکستان نہیں آئیگا اورپاکستان بھارت نہیں جاسکےگا۔
سابق چیئرمین پی سی بی نے کہا بابراعظم اورکھلاڑیوں کوایک دوسرےسےدورکرنےکی کوشش ہورہی ہے،بابراعظم چاہتاہےہرکھلاڑی اپنےوقت پرٹیم کاحصہ بنے،بابرسمجھاتارہا کہ جوکھلاڑی پرفارمنس دےاسےموقع دیناچاہئے۔
رمیزراجا نے کہا کہ مجھےکمنٹری پینل میں شامل نہ کرنانجم سیٹھی کی ضدہے، دو سے 3 مہینے میں تمام لوگ مجھےانٹرنیشنل کمنٹری میں دیکھیں گے۔
ایک سوال کے جواب میں سابق چیئرمین پی سی بی نے کہا والدین فوت ہوچکےہیں،اب عیدی ملنےکاسلسلہ ختم ہوچکا۔
پاکستان کے سیاحتی مقام ناران میں پھنسے ہوئے سیاحوں کو کاغان ڈویلپمنٹ اتھارٹی اور مقامی انتظامیہ کے اہلکاروں نے مشترکہ کوششوں سے باحفاظت ریسکیو کر لیا ۔
تفصیلات کے مطابق چار روز قبل سیاحتی مقام ناران میں بھاری گلیشئرز کے دوبارہ آنے کے باع محصور ہونے والے چار فیملیز کے 26 افراد کو مقامی پولیس اور کاغان ڈویلپمنٹ اتھارٹی کے اہلکاروں نے طویل اور سخت کوششوں کے بعد باحفاظت ریسکیو کر لیا ۔
عید کے موقع پر گلیشئرز دوبارہ شاہراہِ پر آنے سےمحصور ہونے والےسیاحوں میں چھ خواتین اور تین بچے بھی شامل تھے، جس کے بعد ان افراد کو بالا کوٹ پہنچا دیا گیا ہے،ریسکیو کرنے پر سیاحوں نے مقامی انتظامیہ کا شکریہ ادا کیا۔
خیال رہے حالیہ غیر متوقع بارشوں اور ناران آور ملحقہ علاقوں میں برفباری کے بعد تین مزید مقامی انتظامیہ نے ناران آنے والے سیاحوں پر پابندی عائد کر رکھی تاہم کاغان شوگران آور دیگر سیاحتی مقامات پر سیاح آسکتے ہیں۔
پاکستان کرکٹ ٹیم کے کپتان بابر اعظم اپنے بچپن کے محلے میں عید منانے پہنچ گئے۔بابر اعظم کا بچپن فردوس مارکیٹ گلبرگ کے علاقے میں گزرا ہے اور چند برس قبل ڈیفنس منتقل ہو گئے تھے۔
بابر اعظم پرانے دوستوں اور محلے داروں سے ملے اور ان کے ساتھ وقت گزارا۔ انہوں نے اپنے ٹوئٹر اکاؤنٹ پر تصاویر بھی جاری کیں۔
اس موقع پر بابر کا کہنا تھاکہ اس سال اپنے بچپن والے گھر میں عید منانے کا موقع ملا، کیا بے پناہ یادیں ہیں سب کو عید مبارک ہو۔خیال رہے کہ قومی کرکٹرز کو عید گھر والوں کے ساتھ منانے کے لیے چھٹیاں ملی ہوئی ہیں، بابر اعظم سمیت قومی کرکٹرز کل اسلام آباد میں اکٹھے ہوں گے.
پاکستان اور نیوزی لینڈ کے درمیان پانچواں ٹی ٹوئنٹی میچ 24 اپریل کو کھیلا جائے گا، پانچ ٹی ٹوئنٹی میچز کی سیریز میں پاکستان کو 1-2 کی برتری حاصل ہے۔
ملک بھر میں ہفتہ عید الفطر مذہبی جو ش و جذبے کے ساتھ منائی جائے گی۔
تمام بڑے شہروں اور قصبوں میں عید کے بڑے اجتماعات کھلے مقامات، مساجد اور عید گاہوں میں منعقد ہوں گے۔ علمائے کرام اپنے خطبے میں عید الفطر کی فضلیت اور فلسفے پر روشنی ڈالیں گے۔ ملک کی ترقی ، خوشحالی اور امت مسلمہ کی فلاح و بہبود کے لئے خصوصی دعائیں مانگی جائیں گی۔
وفاقی دارالحکومت میں عید کا مرکزی اجتماع فیصل مسجد میں منعقد ہوگا جس میں اعلیٰ حکومتی عہدیدار اور مسلمان ملکوں کے سفیر نماز عید ادا کریں گے۔
ادھرکراچی میں نماز عید کے اجتماعات شہر کی مساجد، عیدگاہوں اور امام بارگاہوں میں منعقد ہوں گے۔ نماز عید کا مرکزی اجتماع گلشن جناح میں ہوگا جبکہ دوسرے بڑے اجتماعات عید گاہ ناظم آباد، نشتر پارک، ٹی گرائونڈ اور دارالعلوم کراچی میں منعقد ہوں گے۔
ادھر سندھ حکومت نے اس موقع پر سکیورٹی کے سخت انتظامات کئے ہیں۔ خیبر پختونخوا کے گورنر حاجی غلام علی اور وزیر اعلیٰ محمد اعظم خان نماز عید گورنر ہائوس پشاور میں ادا کریں گے اور عید کے پہلے اور دوسرے روز گورنرہائوس میں عید ملیں گے۔ پشاور میں نمازعید کا مرکزی اجتماع چارسدہ روڈ پشاور میں منعقد ہو گا۔
حکومت نے عید کے موقع پر امن و امان کی فضا کو برقرار رکھنے کےلئے صوبے بھر میں سکیورٹی کے سخت انتظامات کئے ہیں۔
ملک کے دوسرے حصوں کی طرح بلوچستان میں بھی عیدالفطر کل مذہبی جو ش و جذبے کے ساتھ منائی جائے گی۔ کوئٹہ میں کھلے مقامات، پارکوں، مساجد، امام بارگاہوں اور عیدگاہوں میں نمازعید کے دوسو سے زائد اجتماعات منعقد ہوں گے۔
بلوچستان کےوزیراعلیٰ میرعبدالقدوس بزنجو اور چیف جسٹس بلوچستان ہائیکورٹ جسٹس نعیم اختر گورنر ہائوس کوئٹہ میں نماز عید ادا کریں گے۔ عید الفطر کے موقع پر صوبے بھر میں سکیورٹی کے جامع انتظامات کئے گئےہیں۔
کون کہاں عید منائے گا ؟
پاکستان میں ہفتہ عیدالفطر کا تہوار منایا جائے گا عوام الناس کے ساتھ سیاسی قائدین بھی اپنے اپنے آبائی علاقوں میں عید منائیں گے۔
صدر مملکت ڈاکٹر عارف علوی اسلام آباد میں عید منائیں گے۔ وزیراعظم شہباز شریف عید کا تہوار لاہور میں منائیں گے۔
پی ٹی آئی چیئرمین اور سابق وزیراعظم عمران خان بھی لاہور میں ہی عید کا دن گزاریں اور کارکنوں کے ساتھ عید منائیں گے۔
پی ڈی ایم سربراہ مولانا فضل الرحمٰن اپنے آبائی شہر ڈیرہ اسماعیل خان میں عید کا تہوار منائیں گے۔
سابق وزیراعظم نواز شریف اور ان کی صاحبزادی جو عمرہ ادائیگی کے بعد سعودی عرب میں عید منا رہے ہیں۔
سابق صدر مملکت آصف زرداری نوابشاہ اور وزیر خارجہ بلاول بھٹو لاڑکانہ میں عید منائیں گے۔ وفاقی وزیر داخلہ رانا ثنااللہ فیصل آباد، اسپیکر قومی اسمبلی راجا پرویز اشرف گوجر خان میں عید منائیں گے۔
سینیئر سیاستدان شجاعت حسین اور پرویز الہٰی گجرات میں عید منائیں گے۔
سابق وزیراعظم یوسف رضا گیلانی اور سابق وزیر خارجہ شاہ محمود قریشی ملتان میں عید منائیں گے۔
فواد چودھری جہلم ،منظور وٹو اوکاڑہ اور مولانا فضل الرحمان ڈیرہ اسماعیل خان میں عید منائیں گے۔
وزیرخزانہ اسحاق ڈار، نگران وزیراعلیٰ محسن نقوی، گورنر پنجاب بلیغ الرحمان، سابق گورنر پنجاب چوہدری سرور، سردار لطیف کھوسہ، وفاقی وزرا خواجہ سعد رفیق، ایازصادق، نگران صوبائی وزیر جاوید اکرم بھی عید کا تہوار لاہور میں ہی منائیں گے۔
شیخ رشید، چوہدری نثار اور نگران صوبائی وزیر جمال ناصر راولپنڈی میں عید کی خوشیاں منائیں گے، وزیراعلیٰ سندھ مراد علی شاہ، شیریں مزاری اور رضا ربانی کراچی میں عید منائیں گے۔
وزیر اعظم آزاد کشمیر کے انتخاب کے لیے مظفر آباد قانون ساز اسمبلی کا اجلاس ہوا جس میں انوار الحق آزاد کشمیر کے 15 ویں وزیر اعظم منتخب ہوئے ہیں۔
سیکرٹری اسمبلی کے مطابق نو منتخب وزیر اعظم آزاد کشمیر کے مقابلے میں کسی بھی امیدوار نے کاغذات جمع نہیں کروائے ۔
سیکرٹری اسمبلی کا کہنا تھا کہ بلامقابلہ انتخاب ہونے کے باوجود قواعد کے مطابق پولنگ کا عمل ہوگا۔
یاد رہے کہ گزشتہ دنوں آزادکشمیر ہائیکورٹ نے سابق وزیر اعظم آزادکشمیر سردار تنویر الیاس کو توہین عدالت میں سزا سنائی تھی۔
عدالت نے سردار تنویر الیاس کو عدالت برخاست ہونے تک سزا سنائی اور انہیں کسی بھی عوامی عہدے کیلئے نااہل قرار دیا تھا۔
By Mohana Ravindranath from NYT En español https://ift.tt/9EDBuXG
